終於添置了一部冷氣機

 2021年的今年五月已經感受到氣候變化, 帶來從來未有的炎熱天氣, 亦因為晶片短缺、通貨膨脹及人民幣持續高位, 

因此就不得不及早購置一部冷氣, 對於我看中了只有國內推出的此部空調,

就既然盤算好了, 就不去三心兩意拖延, 好令自己及家中兩隻貓也不用忍受炎熱氣溫了,  在一輪比較及選擇後，認為此部移動式變頻空調合乎自己的條件,  就係 美的KYR-35/BP3N8Y-PT。

因為預算有限，香港機價不太友善, 此款式亦沒有在香港銷售, 就用了三千港紙就在淘寶買了, 加上二佰三十幾蚊運輸費，比較上來點都慳左唔少, 只不過維修保養內地正常有兩年, 香港就要靠自己想辦法了。

想要正正常常咁開始嘆冷氣, 一D都唔容易, 要先好好想清楚及動手攪好幾樣野, 1)電 2)氣管 3)隔塵網 4)排水。

首先電方面

因為係國內電器，係用國內標準10A插頭，有D人會剪左佢再換一個英標13A插頭，之不過細功率電器或許可以無問題, 部冷氣最高可以去到8.4A, 直接單獨用個國內10A規格的蘇位, 肯定比較安全及可取，因為如果真係出問題，就算電流超載，13A插頭可能提供唔到保護，冷氣繼續有高電流輸入, 危險性可想而知， 但10A蘇位有比較接近值, 一但電流不正常高於10A, 插蘇會先提供保護, 而不令電器燒壊, 那相對一個幾十元的插座和一部幾千元的電器，冷氣還有機會維修，插座再換一個也少意思, 那就清楚知道那更可行。

另一方面, 因為冷氣用電量不少, 我也想心中有一個預算，究竟要交多少電費呢? 還有十分好奇依部變頻冷氣耗電量係點, 變頻好處係可以做到恆溫而不用不停地開關起動壓縮機，從而有慳電作用,  那實際係點呢? 靜風、28度、24度、抽濕等，到底用電分別係幾多? 我點用最慳電呢? 依D問題緊係要靠一個計電量的儀器啦, 經過了解找了一下，都有不少這類產品，最後決定用小米牆壁智能插座，可以用手機就可以開關電源、定時及計量等, 之不過安裝好試了一下，才知道單獨用佢只可以控制開關，要加上一個藍牙Mesh網關才可以用到其他功能, 吹帳!

因為我有這方面的訓練及經驗，就自己安裝好了，由買料至完成安裝，過程只有一點點有驚無險，無問題，但亦講一句，要找有牌及經驗豐富的師傅攪。

氣管

依部機唔同其他，有分排氣同吸氣兩條通道，但條雙氣管就設計得好特別，見圖就明白，而且好短，暫時亦找不到同款廷長的可以購買,  原廠的開價要佰伍元, 所以真的想隨心所欲放置好依部野真係唔得，動手能力也是必須的，如果窗口不合適，更加要鋸短及想辦法固定好佢。

移動式空調一向設計上只有一條排氣管，降溫及效能方面不太理想, 原本看中了一部海信的有新設計雙氣管, 照計好好多，足夠了, 之後又睇到依部同樣功能之外, 用上了R32環保冷煤及用上了變頻壓縮機, 這只不過貴了四五佰元, 那當然不用說了, 決定無錯。另外聽說依D喉管因為長期受熱, 會裂開, 而又說最好用隔熱的包起佢, 之不過我檢查了出風到底有幾強, 有幾熱，又真係又強又熱, 實際溫度我要再量一下, 但我想說的是, 可能就因為用東西包起, 増加了熱力令膠管加速老化, 而因為風力大, 我摸上去喉面也不覺太熱. 但始終這東西很膠, 都要準備一下萬一壞了點處理。

隔塵網

這機本身只有一張金屬隔塵網, 看來不太可以隔起灰塵, 隔塵網後貼著的就係蒸發器，說明書沒有提供指引如何清潔內部, 為了減少內部積累塵埃，只好另行加一片隔塵網, 3M最易搵到, 有四幾款級數選擇, 但好貴我用不起, 就買了依款, 看上去質素不錯, 用上來也不覺令風力減少了多少.  也就可以了.

跟機隔塵網就說要兩星期洗一次, 我就會開始一個月先多加留意, 如果見污衊, 為了部機好好地運作,  每星期用水沖洗一下也好方便沒問題.

至於冷氣機用久了一季夏天, 蒸發器內部要洗也好平常, 這方面我要再了解一下,  去問一下客服.

排水

這機有四種用途，吹風、製冷、抽濕及暖氣, 抽濕及暖氣各自有一氣排水管, 而最底下又有一個內置儲水容器, 當滿水時會除了吹風外會停止運作,  有響聲及顯示要把水排走, 所以原先真係唔清楚, 家下又要想下點先方便處理依D排水問題.